ridiculum vitae

¿Qué pasaría si esti domingu...

... votara tol mundiu en blancu?

Non, nin muncho menos quiero dicivos que facer col vuesu votu, Namái falavos d'un mou d'escribir.

Afitándose nuna idega a mediu camín ente la utopía y la distopía, Jose Saramago (la pintora Sara Mago pa otros...) entama dalgunos llibros, ún d'ellos Ensayu sobre la llucidez, onde talanta eso mesmo, ¿qué pasaría si la mayoría de votos fueren en blancu?.

Quiciabes la costume que tien Saramago de nun emplegar puntos nin dixebrar párrafos fai que tardes un puquiñín mas en garrar el ritmu de llectura, pero les hestories son tan bones que hasta que nun lu acabes nun yes quién a aparar.

Esti llibru ye la continuación del Ensayu sobre la ceguera, onde la xente ensin saber por que, entama a quedase ciega, y nun-yos queda otra que recurrir a los sos primitivos instintos pa sobrevivir.

Nun pueo escaecer el que me paez el meyor en cuantes a esti plantegamientu; Les intermitencies de la muerte. Nesta ocasión la muerte se mos pon en fuelga, nún mundiu como esti ¿Tien razón de ser la euforia inicial? ¿De que diben vivir les aseguradores y mélicos? ¿Qué xacíu tendría una ilesia ensin vida etenra que prometer?

Si quies que te faigan pensar un ratín (nun mos vien mal dacuando) equí t'apurro Un premiu Nobel capaz d'ello.

felpeyu @ 19:43

Esbilla | del.icio.us